Vllaznia u rikthye te fitorja, teksa mposhti me rezultatin 3-1 Dinamo City, në ndeshjen e vlefshme për javën e 16-të në Superiore.
Një fitore e rëndësishme për shkodranët, ndërsa në krahun tjetër Dinamo pëson humbjen e parë nën drejtimin e trajnerit Dritan Mehmeti.
Ndeshja nisi mirë për kryeqytetasit, që kaluan të parët në avantazh, me një gol të Denisson në minutën e 5-të.
Megjithatë vendasit përmbysën gjithçka që në pjesën e parë, me golat e Çobës në minutën e 11 dhe Grudës në minutën e 31.
Në pjesën e dytë, ishte Bekim Balaj, i cili shënoi në minutën e 55-të dhe vulosi shifrat në 3-1.
Me këtë fitore, Vllaznia ngjitet në vendin e pestë me 20 pikë dhe kalon Dinamon me 19 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
