Pak para votimit në Parlament për imunitetin e ish-ministres Belinda Balluku, Ambasada Britanike në Tiranë ka theksuar rëndësinë e ruajtjes së sundimit të ligjit dhe pavarësisë së sistemit gjyqësor.
Përmes një mesazhi në rrjetet sociale ajo thekson se “imuniteti parlamentar ka rolin e tij në mbrojtjen e proceseve demokratike dhe se nuk duhet të shndërrohet në një pengesë për llogaridhënien e barabartë të të gjithëve para ligjit“.
Sipas Ambasadës Britanike, pushteti ekzekutiv, ai gjyqësor dhe legjislativ duhet të vijojnë të mbeten partnerë të barabartë në mbështetjen e këtij progresi, si pjesë e përpjekjeve të Shqipërisë për të përmbushur objektivin e saj strategjik për anëtarësim në Bashkimin Evropian.
Ambasada Britanike njeh progresin e Shqipërisë në reformën gjyqësore që nga viti 2016, përfshirë krijimin e SPAK-ut.
Përpos ambasadës britanike, pas vendimit të marrë në Kuvend, ka reaguar edhe ambasada gjermane.
Në deklaratë thuhet se rruga e Shqipërisë drejt Bashkimit Evropian nuk kalon përmes retorikës, por përmes rezultateve konkrete në luftën kundër korrupsionit, sidomos në nivele të larta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
