Nga dita e nesërme autobuzat me targa shqiptare, do të mund të kalojnë normalisht drejt Greqisë.
Njoftimi u bë i ditur nga Dogana Greke e Kakavijës.
Ky vendim i hap rrugën linjave të transportit të udhëtarëve të cilat kanë qëndruar të mbyllura për shkak të situatës pandemike dhe masave të marra nga qeveria greke 16 muaj më parë.
Deri më sot ata qytetarë shqiptarë që kanë shkuar në Greqi pa automjetin e tyre, iu është dashur të marrin autobusët e kompanisë shtetërore KTEL nga Kakavija në Janinë e më pas në destinacione të tjera brenda Greqisë.
Tashmë duket se ky makth ka marrë fund, pasi qytetarët do mund të kalojnë lirisht me autobusë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
