Deputetja demokrate Ilda Dhori, nga protesta e banorëve që kundërshtojnë vendosjen e traut në Divjakë, deklaroi se nga policia po ruhet një strukturë hekuri që përfaqëson traun që kërkon të vendoset nga Ministria e Turizmit.
Duke folur për MCN Live, ajo deklaroi se policia po pengon protestuesit paqësor të cilët duan të hyjnë lirisht në parkun e Divjakës.
Policia është me urdhër nga ata që i japin urdhra, për të penguar grumbullimin e protestuesve, por që janë banorë tërësisht paqësor që duan lirinë e lëvizjes në park, në plazh dhe kudo që është hapësirë publike.
Forca të shumta policie mbrojnë këtë strukturë të shëmtuar hekuri që ka domethënien e privatizimit të një tjetër pasurie publike, nga regjimi i Edi Ramës.
Kjo është rruga kryesore hyrëse për plazhin e Divjakës. Unë nuk di asnjë plazh që të ketë biletari.
Asnjë tarifë që mblidhet qoftë për kullën 360 gradë nuk është përkthyer në investim.
Qytetarët duan të lëvizin lirisht në park, i cili është i vetmi atraksion për të lëvizur dhe bërë një shëtitje
Do vazhdojmë çdo ditë deri kur kjo rrugë të jetë e lirë dhe kjo strukturë e shëmtuar të shkojë për skrap.
Banorët e Divjakës kundërshtojnë të paguajnë një tjetër taksë për të shkuar në plazh.
Sipas tyre pylli i Divjakës u mbrojt nga banoret nga djegia dhe shkatërrimi edhe i vitit 1997, ndaj shtimi i një tjetër taksë rëndon më tepër ekonominë e vendasve.
Për një vizitor që shkon në parkun kombëtar Divjakë-Karavasta duhet të paguajë 100 lekë për te kulla 360 gradë, 200 leke për shëtitjen me varka që prej vitit 2018.
Pagesa në rrugën hyrëse është e ndryshme për mjetet dhe 50 leke për divjaksit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
