Presidenti ukrainas, Voldymyr Zelensky, tha se pothuajse 15,000 ushtarë rusë kishin vdekur pas pesë muajsh luftime në Kursk.
Ai tha gjithashtu se forcat e Ukrainës kishin krijuar një zonë tampon në rajonin e Kurskut, duke i penguar rusët që të “drejtonin... forcën në drejtime të tjera, veçanërisht në rajonin e Donetskut, Sumy, rajonin e Kharkiv ose Zaporizhzia”.
Nga ana e saj Rusia tha se forcat e saj kishin bërë përfitime të rëndësishme në Ukrainën lindore, ndërsa vazhdonin të shmangnin një ofensivë të re ukrainase brenda rajonit të Kurskut.
Ministria ruse e mbrojtjes tha se forcat e saj kishin pushtuar qytetin Kurakhove, 32 km (20 milje) në jug të Pokrovsk, një qendër logjistike ukrainase drejt së cilës forcat ruse kanë përparuar prej muajsh.
Ministria tha se kapja do të lejonte forcat ruse të kapnin pjesën tjetër të rajonit të Donetsk "me një ritëm të përshpejtuar".
Megjithëse komanda ushtarake lokale që mbron Kurakhove pranoi se forcat ruse po sulmonin zonat urbane, ajo tha se "masat për të identifikuar dhe shkatërruar grupet e sulmit të armikut" ishin duke u zhvilluar.
Shtetet e Bashkuara besojnë se Rusia po zgjeron bashkëpunimin hapësinor me Korenë e Veriut në këmbim të mbështetjes ushtarake, tha sekretari amerikan i shtetit Antony Blinken gjatë një vizite në Seul të hënën.
Sipas vlerësimeve të SHBA, Ukrainës dhe Koresë së Jugut, Koreja e Veriut ka dërguar më shumë se 10,000 trupa dhe sisteme të armëve konvencionale për të mbështetur fushatën e luftës të Moskës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
