Vasil Bedinaj, kreu i operatorëve turistik për rajonin e Jugut, Vlorë, në një intervistë për ‘MCN economy’, teksa bëri një bilanc të ecurisë së sezonit turistik 2023, u ndal te problematika e shtimit të kapaciteteve në këtë zonë.
Sipas tij, teksa Vlora konkretisht i ka tejkaluar parashikimet për pritjet e turistëve në këtë sezon turistik, pohoi se ka duhet menduar për shtim imediat të kapacitete akomoduese për të gjitha shtresat dhe portofolat e turistëve.
Është e vërtetë që këtë vit kemi tejkaluar shifrat, Vlora dhe tërë jugu ka qenë i suprizuar me numrin e turistëve. Vazhdojmë të operojmë dhe 80% të kapaciteteve të hoteleve edhe tani në shtator. Vlora ka të regjistruar 7-8 mijë shtretër të regjistruar.
Është e vërtetë që këtë vit Vlora më 20% ka pasur rritje të çmimeve për shkak të uljes së €uros, dje teksa është ndër industritë më kërkuese, duhet menduar për shtim të kapaciteteve akomoduese.
Pra, e para duhet të shtojmë kapacitetin akomodues, sepse jemi shumë ulët, dhe e dyta më e rëndësishmja duhet të kemi buxhet për të gjitha kostot, jo vetëm resorte luksoze për ata klientë, por duhet të kemi territore të përshtatshme për të gjitha llojet e portofolave.
Hotelet janë më numër të kufizuar, janë marrë nga turistët apartamente edhe në brezin e dytë ose të tretë të hapësirës, prandaj unë mendoj se duhet të ndahen zonat.
Ato që janë për turizmin elitar aty të ndërtohen hotele për ta, kurse ata turistë që e kanë portofolin më të pakët, të ndërtohet për ta në një zonë të caktuar, ku ofrohet ai lloj shërbim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
