Lideri çeçen: Ndihma e huaj për Ukrainën, skemë e pastrimit të parave

Kreu i Çeçenisë, Ramzan Kadyrov, e quajti ndihmën perëndimore për Ukrainën një skemë të pastrimit të parave.

Një mesazh të tillë e ka shkruar të dielën në kanalin e tij në Telegram.

Unë shoh se disa janë të shqetësuar për ndihmën e huaj për Ukrainën. Mos u shqetësoni! Kjo është një skemë që funksionon për pastrimin e parave.

Zyrtarët nga Perëndimi dhe Ukraina do t’i grabisin këto fonde dhe jo më shumë se 15% e shumës totale të mbështetjes do të përfundojë deri te llogoret.

Kadyrov shtoi se ia vlen shqetësimi për faktin se armiqësitë po zhvillohen në territorin e Rusisë.

Këto janë rajonet tona që dëshironin të bëheshin pjesë e shtetit tonë për të mbrojtur popullsinë nga veprimet satanike të nacionalistëve ukrainas dhe të NATO-s.

Më 6 janar, autoritetet amerikane njoftuan ndarjen e një pakete të re ndihme ushtarake për Ukrainën në shumën prej më shumë se 3 miliardë dollarë.

Sekretarja e shtypit e Shtëpisë së Bardhë, Karine Jean-Pierre, tha se fondet do të sigurohen drejtpërdrejt nga rezervat e Pentagonit dhe paketa e ndihmës do të përfshijë automjete luftarake të këmbësorisë Bradley, automjete të blinduara me mbrojtje të zgjeruar nga minat, raketa tokë-ajër, si dhe mjete dhe municione të tjera