Prokuroria e Tiranës vendos sekuestrimin e pasurive të Devi Kasmit. Ky i fundit u vra pranë banesës së tij në 29 janar të 2013 në Tiranë nga speciali grek Ethimious Efthimiou. Gjithashtu, Policia Gjyqësore ka kryer një hetim për ish-bashkëshorten e tij Ereda Selimi dhe familjarëve të tjerë të Kasmit për të cilët ka rezultuar disa kontrata shit-blerjeje pasurish të tundshme dhe të patundshme.
Pasuria e sekuestruar kap vlerën e rreth 5 milionë eurove. Më herë gjatë këtij muaji, gjykata dënoi me burgim të përjetshëm ish-efektivin e forcave speciale greke, Ethimious Efthimiou, si ekzekutorin e Kasmit. Greku e kreu vrasjen në këmbim të një shpërblimi pasi ishte i porositur nga një grup kriminal. Aurel Hoxhallari dyshohet se ka urdhëruar vrasjen e Kasmit.
Kasmi ishte një person me rekorde kriminale, i përfshirë në trafikun ndërkombëtar të kokainës në Francë dhe Spanjë. Sekuestro e pasurive të Kasmit u vendos për veprën penale të pastrimit të parave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
