Eksperti i Ekonomisë Eduart Gjokutaj, foli në edicionin e lajmeve në MCN TV lidhur me situatën ekonomike në vend, ku po rritet ndjeshëm inflacioni.
Gjokutaj vuri në dukje se ka munguar dialogu mes qeverisë, punëdhënësve dhe punëmarrësve. Ai u shpreh se nevojitet një rritje e pagave përmes një dialogu të gjerë dhe marrëveshjeje mes palëve.
Inflacioni po njeh vetëm rritje dhe kjo është situatë e panjohur më përpara. Për të menaxhuar situate të tilla, duhet të përshtatim politika si ato vende që kanë krijuar këto situate në vitet e fundit. Në Gjermani është kombinuar më së miri dhënia e subvencioneve të reduktuara me reduktime të tarifave ose taksave. Ne kemi evazion shumë të përhapur dhe nevojitet një dialog shumë i gjerë mes qeverisë dhe shumë faktorëve për të gjetur një zgjidhje. Format e lehtësive tatimore duhen rishikuar, për të adresuar sektorët që kanë nevojë më shumë. Produktet ushqimore ndihen më së shumti. Politikat e Bankës së Shqipërisë nuk kanë funksionuar sepse ne kemi një ekonomi të varur nga informaliteti. Prandaj qeveria nuk i ul taksat e karburanteve sepse është e ndërgjegjshme që nuk e ka luftuar evazionin, që do të ulte edhe çmimin e karburanteve. Është e nevojshme rritja e pagave në atë pjesë që mungojnë punonjësve. Duhet të marrin në konsideratë dialogun që të rrisin nivelin e pagave përmes marrëveshjeve”.
Duke folur mbi Bordin e Transparencës, Gjokutaj tha se vendimet e tij jo të drejta ndikuan në rritjen e çmimit të transportit, duke shtuar se ky mekanizëm krijoi gjithashtu amulli.
Bordin e kemi konsideruar si mekanizëm që s’e ndihmoi procesin për sa kohë s’dha impakt në ekonomi. Rritja e çmimit të transportit është produkt i vendimeve jo të drejta të Bordit. Në vend të bënte transparencë, ka krijuar një amulli false. Ekonomia s’ka nevojë për ndërhyrje kaq të stërzgjatur, nëpërmes kontrolleve dhe bërjes së detyrave. U harxhua goxha energji dhe kosto për fiskalizimin”.
Ndërsa komentoi kalimin e 380 mijë eurove nga fondi rezervë për Beketin, eksperti u shpreh:
Fondet rezervë përdoren për momente të tilla kur kursi i këmbimit është i luhatshëm. Në këtë rast këto gjoba duhet të shërbenim që ta na jepnin një optimizim, për gjyqe të tjera në proces”.
Gjokutaj tha se mbajtja e Bordit të Transparencës ndihmon monopolet pasi duket sikur nuk ekziston Autoriteti i Konkurrencës.
Mbajtja e Bordit i ndihmon monopolet, pasi duket sikur Autoriteti i Konkurrencës nuk ekziston. E gjitha kjo nuk e shëndosh ekonominë, por ju jep orientimin e gabuar disa individëve apo karteleve të caktuara”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
