Autoriteti Kombëtar i Ushqimit ka zhvilluar një aksion kontrolli pas një denoncimi ndaj një subjekti në zonën e Shkozës në Tiranë.
Gjatë kontrollit në ambientet e magazinës, inspektorët kanë konstatuar një sasi prej 3984 kg produkte të miksuara (bimë të thata), të ambalazhuara në thasë plastikë, por pa etiketa dhe pa asnjë informacion mbi afatin e përdorimit, origjinën apo përbërjen e tyre.
Pas konstatimit është vendosur bllokimi i gjithë sasisë së gjetur në magazinë, ndërsa ndaj subjektit u vendos një gjobë prej 200 mijë lekësh për shkelje të kërkesave të gjurmueshmërisë.
Po ashtu, nga verifikimi i dokumentacionit rezultoi mungesë e sistemit të vetkontrollit, konkretisht skedave të monitorimit gjatë procesit të përpunimit. Për këtë shkelje shtesë, autoritetet vendosën një tjetër gjobë në vlerën 100 mijë lekë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
