Makina në të cilën udhëtonte Presidenti ukrainas Volodymyr Zelensky u përfshi në një aksident rrugor në Kiev gjatë së mërkurës, por Presidenti nuk u plagos rëndë.
Kështu deklaroi zëdhënësi i Presidentit Serhii Nykyforov, i cili shpjegoi se makina e Zelensky-t u përplas me një automjet privat, pa specifikuar se kur ndodhi aksidenti.
Presidenti është vizituar nga mjekët, por nuk raportohet për lëndime të rënda. Rrethanat e ngjarjes do të konstatohen nga policia.
Mjekët që shoqëronin kreun e shtetit shpëtuan shoferin e makinës private dhe e futën në ambulancë.
Ndërkohë pak minuta pasi zëdhënësi i Zelensky bëri deklaratën, zyra e Presidentit ukrainas publikoi videon e fjalimit të mbrëmjes që kreu i shtetit ukrainas mban çdo ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
