Rama në Urën Vajgurore: Do t'i japim një dimension tjetër zonës

Kryeministri Rama ka inspektuar sot punimet për projektin e reabilitimit të lumit Osum në Urën Vajgurore.

I shoqëruar edhe nga ministry Blendi Klosi, Rama është shprehur se kjo zonë do të transformohet në një pikë të rëndësishme agro-turistike, ku do të promovohen ushqimet bio të zonës.

“Ka nisur faza e dytë e projektit transformues që pas realizimit të mbrojtjes lumore në fazën e parë, ku është garantuar mospërmbytja e krejt zonës që ndodhte çdo vit, po vijohet me krijimin e një hapësire cilësore rekreative për të gjitha moshat, si edhe do të mundësohet më tej hapja e një pike të madhe të promovimit e të tregtimit të prodhimeve bio zones.” Është shprehur Rama.

Kryeministri është shprehur se krijimi i kësdaj pike e cila do të mbledhë produktet agro-ushqimore  do t'i japë një dimension tërësisht të ri zonës.

"Është me rëndësi që të bëhet ajo pika e prodhimeve, pasi i jep një dimension tjetër të gjithë zonës." tha Rama.