Finlanda ka vendosur ushtarë për të ndihmuar në përforcimin e vendkalimit Vartius në kufirin e saj prej 1,340 kilometrash me Rusinë.
“Në stacionin kufitar Vartius në Kuhmo po ndërtohen barriera të përkohshme në zonën kufitare. Forcat e Mbrojtjes mbështesin Rojet Kufitare në detyrat e ndërtimit”, tha Roja Kufitare në X (ish-Twitter) të dielën, duke shtuar se ushtarët nuk ishin të përfshirë në kontrollin e vetë kufirit.
Të shtunën, Finlanda mbylli pikat e hyrjes Vaalimaa, Nuijamaa, Imatra dhe Niirala në juglindje të vendit, duke përmendur nevojën për të parandaluar një fluks të azilkërkuesve. Autoritetet raportuan një rritje të kalimeve të paligjshme, duke përfshirë ato të kryera nga emigrantë nga Siria, Jemeni dhe Iraku.
Ministri finlandez i Mbrojtjes, Antti Hakkanen i përshkroi mbylljet si "një mesazh kristal të qartë për Rusinë", për të cilën ai pretendoi se po përdor emigrantët për të "përshpejtuar krizën e emigrantëve në Evropë dhe destabilizuar unitetin e saj".
Ministrja e Brendshme Mari Rantanen, ndërkohë, argumentoi se Moska mund të jetë "e mërzitur nga aktivitetet e Finlandës".
Lëvizja për mbylljen e kufirit u kundërshtua nga disa banorë finlandezë, duke përfshirë rusë që jetojnë në Finlandë dhe njerëz me shtetësi të dyfishtë. Disa qindra njerëz mbajtën një protestë në Helsinki të dielën, duke denoncuar "Perden e Hekurt" të re, sipas Euronews.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
