Një zjarr i përmasave të mëdha ka rënë në një apartament në qytetin e Gramshit. Sipas të dhënave paraprake, zjarri ka rënë në një apartament pranë komisariatit të policisë dhe dyshohet se ka ndodhur si pasojë e shpërthimit të një bombule.
Sipas raportimeve te para, 8 apartamente te pallatit ku ra zjarri janë shkrumbuar ndërsa mësohet se ka disa persona të lënduar lehtë dhe dëme të mëdha materiale.
Zjarri është i fuqishëm dhe ka rënë në katin e tretë të pallatit ndërsa zjarrfikëset kane shkuar në vendin e ngjarjes.
Kryetaja e Bashkisë Luljeta Dollani thotë se rrezikohen edhe 18 apartamente të tjera nga flakët e mëdha.
Ndërkohë në vendin e ngjarjes ka mbërritur edhe një zjarrfikëse nga Elbasani për të bërë të mundur shuarjen e flakëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
