Avokati Kujtim Cakrani tha në studion e MCN Informacion se brenda 6 muajve prokuroria do të arrijë të ndërtojë akuzën për kryebashkiakun Veliaj dhe se do të dërgojë çështjen për gjykim.
Sipas Cakranit, nëse Gjykata e Apelit do ia ndryshojë masën e sigurisë Veliajt, i bie në mënyrë automatike që masa të ndryshojë dhe për kreun e PL-së Ilir Metën.
Mendoj se brenda 6 muajsh prokuroria do t’i ndërtojë akuzën dhe do i kalojë gjykatës çështjen për gjykim. Me masë sigurie, pa masë sigurie këtë nuk di ta them se ai është në Gjykatën e Apelit, nga java tjetër, brenda datë 11 i bie të zhvillohet gjyqit. Nga praktikat gjyqësore nuk ka ndodhur që Gjykatat e Apelit të zëvendësojnë masat e sigurimit që janë kërkuar dhe janë vendosur. Nëse Gjykata e Apelit do ia ndryshojë masën, atëherë i bie automatikisht që edhe Metës t’i zëvendësohet masa e sigurimit. Nuk mund të përdorim dy standarde për çështje të njëjta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
