Gjykata Kushtetuese i ka dhënë të drejtë Kuvendit në mosmarrëveshjen me një grup deputetësh të PD-së për ngritjen e një komisioni hetimor për punën e institucioneve shtetërore lidhur me arbitrazhin e humbur përballë biznesmenit Françesko Bechetti.
Në vendimin e datës së sotme, Kushtetuesja konkludon se “në rastin konkret nuk plotësohen standardet kushtetuese për ngritjen e komisionit hetimor”.
Vendimi është përfundimtar dhe hyn në fuqi ditën e botimit në Fletoren Zyrtare.
Partia Demokratike e çoi në Kushtetuese vendimin e Kuvendit për mosngritjen e komisionit hetimor parlamentar lidhur me vendimin e arbitrazhit për çështjen Becchetti, në tetor të vitit të kaluar.
Në atë kohë, nënkryetarja e PD, Grida Duma, tha se kryeministri Rama ka frikë të hetojë sepse është përgjegjës për 120 milionë eurot që taksapaguesit shqiptarë do t’i japin biznesmenit italian pas vendimit të arbitrazhit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
