Ministri i Financave, Petrit Malaj, njoftoi pas mbledhjes së qeverisë se është ratifikuar marrëveshja mes Shqipërisë dhe Polonisë për sigurimet shoqërore.
Është ratifikuar marrëveshja Shqipëri–Poloni për sigurimet shoqërore.
Kjo është marrëveshja e 21-të në kuadër të nismës së qeverisë me vendet ku ka diasporë shqiptare.
Janë marrëveshje shumë të rëndësishme për qytetarët shqiptarë që punojnë jashtë vendit, në mënyrë që t’u njihen vitet e punës edhe në Shqipëri.
Duke u ndalur te negociatat me Greqinë, ministri u shpreh se diskutimet vijojnë intensivisht, për shkak të numrit të lartë të emigrantëve shqiptarë në këtë shtet.
Ai shtoi se pala shqiptare mbetet optimiste për arritjen e një marrëveshjeje, pavarësisht kompleksitetit të negociatave.
Sa i përket diskutimeve me qeverinë greke ato janë diskutime shumë intensive nga ana e palës shqiptare kjo dhe për shkak se diaspora që është prezente në Greqi është e madhe ne jemi besimplotë që do ta konkludojmë këtë marrëveshje. Por ka shumë kushte dhe negociata për shkak të numrit të lartë që kemi në Greqi”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
