Parlamenti skocez ka votuar në favor të futjes së certifikatave të vaksinimit Covid-19 për të hyrë në klube nate dhe ngjarje të tjera, duke u bërë kombi i parë në Mbretërinë e Bashkuar që miratoi një masë të tillë.
Vendimi, i cili do të hyjë në fuqi më 1 tetor, ka për qëllim ngadalësimin e rritjes së numrit të rasteve të koronavirusit për të cilat fajësohet periudha shkollore. Gjithashtu certifikata e vaksinimit do të shmangë rivendosjen e kufizimeve të reja pandemike, tha ministri i Shëndetësisë i Skocisë para votimit në Edinburg.
"Ne nuk duam të ri-imponojmë asnjë nga kufizimet që kanë qenë në fuqi për pjesën më të madhe të këtij viti, pasi të gjithë e dimë se sa dëm kanë shkaktuar ato për bizneset, arsimin dhe mirëqenien e përgjithshme të njerëzve, por ne duhet të frenojmë rritjen e rasteve, "tha Humza Yousaf.
Certifikatat e vaksinimit kundër Covid-19 do të kërkohen për hyrje në klube nate, festivale muzikore dhe për të ndjekur ndeshje futbolli. Një aplikacion smartphone do të mbajë statusin e vaksinimit të njerëzve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
