Presidenti amerikan, Joe Biden, në një konferencë për shtyp nga Shtëpia e Bardhë e ka quajtur rënien e presidentit sirian Bashar al-Assad, një "moment mundësie historike".
Ai theksoi se as Rusia, as Irani dhe as Hezbollahu nuk ishin në gjendje ta shpëtonin regjimin e Assadit. Biden shtoi se tani që Assad është larguar, SHBA do të bashkëpunojë me të gjitha grupet siriane për të ndihmuar në ndërtimin e një të ardhmeje më të mirë për Sirinë.
“Më në fund, regjimi i Assadit ka rënë. Ky regjim brutalizoi, torturoi dhe vrau fjalë për fjalë qindra mijëra sirianë të pafajshëm. Rënia e regjimit është një akt themelor drejtësie. Është një mundësi historike për popullin e shumëvuajtur të Sirisë që të ndërtojë një të ardhme më të mirë për vendin e tyre krenar”, tha Biden.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
