Komisioni i Pavarur i Kualifikimit ka shkarkuar nga detyra Rozeta Qirjaqin, prokurore pranë Prokurorisë së Apelit Korçë pasi nuk plotësoi kriterin e justifikimit të pasurisë dhe atë të integritetit personal.
Trupa Gjykuese e përbërë nga Etleda Çiftja, Firdes Shuli, Roland Ilia pasi analizoi provat dhe faktet vendosi shkarkimin nga detyra të prokurores së Apelit të Korçës, Rozeta Qirjaqi pasi nuk arriti të justifikojë pasurin dhe integritetin e figurës.
Prokurorja e Apelit të Korçës, Rozeta Qirjaqi u përball me 30 qershor 2020 me Komisionin e Pavarur të Kualifikimit, ku gjatë seancës dëgjimore u evidentuan gjetje për tre kriteret e rivlerësimit.
Rozeta Qirjaqi e ka filluar karrierën në sistemin e drejtësisë në fillim të viteve ’90 dhe ka punuar si prokurore në Prokurorinë e Korçës. Në vitin 2008, ajo është emëruar prokurore e Apelit të Korçës, detyrë të cilën e kryen edhe aktualisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
