Halilaj: Arsimi shqiptar vuan për financim real dhe një reformim të thellë në kurikula

Kryeministri i Shqipërisë, Edi Rama ka premtuar se në mandatin e tretë qeverisës pagat e mësuesve do të rriten me 32% si dhe përmirësim të infrastrukturës mësimore.

Nënkryetar i Sindikatës së Arsimit, Isa Halilaj, në studion e lajmeve në MCN TV, tha se sot arsimit shqiptar ka nevojë për një financim real në këtë sektor, dhe një rishikim i thellë i kurikulave,

“Arsimi vuan për një financim real, dhe për një reformë të thellë në kurikula, pra duhet një mbështetje financiare dhe një rishikim komplet i karikulës.

Ne kot nuk e ngremë problemin e financimit, sot ne kryeqytet kemi shkolla më dy turne, por ne nuk kemi klasë edhe për këta nxënës që kemi, plus kësaj shumë pak shkolla janë të kompletuara më aparatura”.

Buxheti i arsimit, sipas Halilaj, është 3 përqind i GDP, dhe si i tillë është i pamjaftueshëm për arsimin, ndërkohë që një zgjidhje reale do të ishte një rritje prej 5 % e GDP-së, nëse pretendohet një arsim cilësor

“Ne e kemi ngritur vazhdimisht problemin. Të gjithë bien rekord, qe buxheti është mbi 3 përqind të GDP. Deshi, s’deshi politika, këta fëmijë nesër do të jenë qytetarë të BE dhe detyrimisht shoqëria shqiptare duhet të investojë që këta fëmijë të marrin arsimin e njëjtë me qytetarët e tjerë evropian. Prandaj, duhet të kemi atë që buxheti i arsimit për një periudhe 10 vjeçare të jetë mbi 5 % të GDP-së. Sivjet u deklarua se do të rritet buxheti me 6 %, por nuk është deklaruar e sa do të jetë inflacioni, d.m.th. rritja e rrogave gjatë kësaj periudhe, nuk ka qenë një rritje reale, ka qenë indeksim i inflacionit, prandaj rritja e 5 % të GDP-së dhe reformimi i arsimit janë parametrat kryesore që na duhen, me 3 % të GDP-së është e pamjaftueshme për arsimin, dhe detyrimisht duhet të jetë 5% nëse pretendojmë një arsim cilësor.