Një ndër prodhuesit kryesorë të produkteve dezinfektuese ka lëshuar një paralajmërim të fortë që ato të mos përdoren në trupin e njeriut, pasi Donald Trump sugjeroi që ato mund të përdoren potencialisht për të trajtuar koronavirusin. Reckitt Benckiser, i cili zotëron “Lysol” dhe “Dettol”, tha se "në asnjë rrethanë" nuk duhet që produktet e tij të injektohen ose të hahen. Deklarata e tij vijnë si një reagim ndaj komenteve të Donald Trump-it në një konferencë të enjten.
Dezinfektuesit janë substanca të rrezikshme dhe mund të jenë helmuese nëse gëlltiten. Edhe ekspozimi i jashtëm mund të jetë i rrezikshëm për lëkurën, sytë dhe sistemin e frymëmarrjes.
Komentet e zotit Trump janë kritikuar shumë nga mjekët dhe kanë gjeneruar shumë reagime në internet. Ato kanë provokuar qindra mijëra komente dhe kanë bërë që markat e mirënjohura të pastrimit të bëhen një trend në mediat sociale, njofton "BBC".
Reckitt Benckiser, i cili gjithashtu zotëron markat “Vanish” dhe “Cillit Bang”, tha se produktet e tij nuk duhet të administrohen "përmes injeksionit, gëlltitjes ose ndonjë rruge tjetër të ngjashme".
"Produktet tona dezinfektuese dhe të higjenës duhet të përdoren vetëm ashtu siç synohet dhe në përputhje me udhëzimet e përdorimit. Ju lutemi lexoni etiketën dhe informacionin e sigurisë", tha kompania në një deklaratë.
Çfarë tha presidenti Trump?
Gjatë konferencës së Shtëpisë së Bardhë për koronavirusin, një zyrtar prezantoi rezultatet e hulumtimit të qeverisë amerikane që treguan se koronavirusi duket se dobësohet më shpejt kur i ekspozohet rrezet e diellit dhe nxehtësisë.
Studimi gjithashtu tregoi se zbardhimi mund të shkatërronte virusin në pështymë ose lëngje respiratore brenda pesë minutave, dhe alkooli izopropil mund ta vriste atë edhe më shpejt.
Z. Trump atëherë hipotezoi në lidhje me mundësinë e përdorimit të një rreze "ultravjollcë të jashtëzakonshme" ose "drite shumë të fuqishme" në ose edhe brenda trupit, si një trajtim i mundshëm.
"Meqë dezinfektuesi e rrëzon atë brenda një minutë. Një minutë, a ka ndonjë mënyrë që ne mund të bëjmë diçka të tillë, me injeksion brenda ose një lloj pastrimi?”, tha Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
