Të paktën 18 njerëz kanë vdekur dhe dhjetra të tjerë janë plagosur pas një sulmi kamikaz në një qendër mësimore në kryeqytetin e Kabulit në Afganistan.
Shpërthimi në ndërtesën privatë që ofron kurse për studentët në arsim të lartë ndodhi këtë pasdite, njofton Ministria e Brendshme e Afganistanit. Ajo ndodhet në mjedisin e komunitetit mysliminan të përbërë kryesisht me shi dhe pret me qindra të interesuar.
Sipas BBC shumë persona janë dërguar në spital, ndaj frika është që në orët në vijim numri i të vdekurve të rritet.
Grupi i Shtetit Islamik mori përsipër sulmin në rrjetet sociale, ndërkohë që nuk shfaqën asnjë provë, ndërsa talebanët mohuan të kishin lidhje me një ngjarje të tillë, që kryesisht u mori jetën të rinjve.
‘Një kamikaz donte të hynte në qendrën tonë mësimore,’- tha zëdhënësi i ministrisë së brendshme Tariq Arian në një deklaratë. Zëdhënësi shtoi se ‘autori i këtij sulmi u identifikua nga rojet e sigurisë për më pas ai shpërtheu bombën’.
Një banor i zonës, Ali Reza, i tha AFP se të vrarët dhe të plagosurit ishin studentë që prisnin të hynin në objekt. "Unë isha duke qëndruar rreth 100 metra nga qendra kur një shpërthim i madh më rrëzoi në tokë,"- tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
