Një “modë” e re po përhapet vitet e fundit sa i përket krijimit të familjeve. Vajza të reja, te të 25-at, të cilat nuk kanë pasur kurrë kontakte seksuale dhe ndihen të gatshme për t’u bërë nëna, po i nënshtrohen fertilizimit artificial për të sjellë në jetë fëmijë.
Mjekët britanikë thonë se “nënat e virgjëra” janë heteroseksuale dhe thonë se nuk kanë kohë të presin për “njeriun e duhur”.
Ato kanë stabilitet financiar dhe preferojnë t’i rrisin vetë fëmijët.
Një studim i kryer në vitin 2013, tregoi se një në 200 gra në SHBA ka mbetur shtatzënë pa kryer marrëdhënie seksuale. 31% e këtyre grave thanë se kishin zgjedhur vetë të mos angazhoheshin në raporte seksuale. Ndërsa 28% e prindërve të tyre treguan se nuk kishin folur rrallë ose asnjëherë për seksin dhe metodat kontraceptive me vajzat e tyre.
Edhe Papa Françesku në vizitën e tij të fundit në SHBA foli për “ndryshime të paprecedenta” që po ndodhin në strukturën e familjes. Ai u shpreh se rritja e konsumizmit po i bën njerëzit të besojnë më pak te njëri-tjetri.
“Biznesi nuk bëhet më në bazë të besimit. Nuk ka më marrëdhënie të gjata dhe të forta. Kultura e ditëve të sotme duket se po u mëson njerëzve të mos lidhen fort apo t’i besojnë për një kohë të gjatë dikujt tjetër”, tha Papa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
