Gjatë përdorimit të internetit, fëmijët mund të hasen me situata të padëshiruara. Në Shqipëri, një në dhjetë fëmijë ka pasur një përvojë seksuale në internet. Numri i fëmijëve që hasen me situata të tilla mund të jetë i madh, pasi sipas një studimi të Unicef Albania, kryer në 2018-2019, mesatarisht më shumë se gjysma e fëmijëve kanë gjithnjë akses online.
Fëmijët janë të ekspozuar përballë përmbajtjeve të dëmshme online si imazhet e dhunës apo abuzimit (1 në 5 fëmijë), përmbajtje që flasin për dhunë fizike (17% e fëmijëve) apo përmbajtje që flasin për vetëvrasje (1 në 10 fëmijë). 1 në 5 fëmijë kanë qenë subjekt i mesazheve denigruese dhe të urrejtjes drejt tyre, që është gjithashtu një indikator i situatave të mundshme të bullizmit online. Më të ekspozuarit janë fëmijët e moshës mosha 15-17 vjeç. Në bazë të gjetjeve të studimit “Eksperiencat e fëmijëve në përdorimin e internetit në Shqipëri”, ata hyjnë në rrjet për herë të parë rreth moshës 8-9 vjeç.
Mënyra më e përhapur e aksesit është nëpërmjet smartfonëve, konkretisht 77% e 1 mijë fëmijëve të anketuar përdorin telefonin çdo ditë krahasuar me metodat e tjera të qasjes, me një mesatare prej 3 orësh në ditë. Ndër rrjetet sociale më të përdorura kryeson Youtube me 72%, Instagrami me 58%, Facebooku me 50% dhe WhatsApp-i me 49%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
