Shefi ekzekutiv i Bashkimit Europian, Jean-Claude Juncker, tha të martën se e ardhmja e Italisë nuk mund të diktohet nga aksionet dhe tregjet financiare.
Këto reagime kanë ardhur pas deklaratave të një prej pjestarëve të ekipit të tij për trazirat politike në vend.
"Fati i Italisë nuk qëndron në duart e tregjeve financiare," tha Juncker në një deklaratë.
"Pavarësisht se cila parti politike mund të jetë në pushtet, Italia është një anëtar themelues i Bashkimit Evropian që ka kontribuar jashtëzakonisht në integrimin evropian", tha Juncker, duke shtuar se ai ishte i sigurtë "Italia do të vazhdojë në rrugën e saj evropiane", raporton Reuters.
"Komisioni Evropian është i gatshëm të punojë me Italinë me përgjegjësi dhe respekt të ndërsjellë. Italia meriton respekt", tha Juncker.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
