Gjysmëfinalisti i ‘X Factor’, Niki Zaimi, rrëfeu sot në studion e programit të mëngjesit “Zgjohu me MCN”, eksperiencën e tij në këtë konkurs këndimi, që i ndryshoj jetën dhe karrierën e tij.
Duke qenë ndër të vetmit që vinte në ‘X factor’ nga bota e muzikës me një përvojë të muzikës rok dhe performancat në klubet e natës, Niki, thotë se ky event i solli plotësim në karrierën e tij muzikore.
Jam lodhur aq shumë nga kjo eksperiencë sa tani po çlodhem dhe po kënaqem.
Kisha përparësi që në fillim kur nisi ‘X factor’ se isha i provuar me skenën. Kur të tjerët kishin emocionet e daljes në skenë, unë nuk e kisha këtë frikë, e kisha avantazh përvojën në skenë dhe isha më i përgatitur shumë në javët e para sa i takon skenës.
Niki, thotë se të qenurit djalë i këngëtarit Alket Zaimi, e ka përkrahur në çdo dalje në këtë rrugëtim.
Babi ka qenë aty në çdo moment me mua. U mërzit pak me eliminimin tim në gjysmëfinale por me tha mos u mërzit se e more çfarë deshe, e fitove. Ne kemi bashkëpunime me babin.
Unë muzikën rok e kam në shpirt, rokun klasik, të gërshetuar me ca element allashqiptarçe. Do vijë me një këngë të stilit tim, një këngë që i korrespondon ‘Nikut’, jo si inspirim ose frymëzim nga një influencë tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
