Mark Zuckerberg do të duhet të paguajë 20 milionë dollarë për emrin “Meta” pasi sipas të dhënave “Meta” është regjistruar si markë e një kompanie kompjuterike në Arizona.
Meta PCs, e cila shet kompjuterë dhe programe kompjuterike si dhe lojëra elektronike, ishte e panjohur në mbarë botën deri në momentin kur kompania që ka Facebook, Instagram dhe WhatsApp njoftoi ndryshimin e emrit në “Meta”.
Kompania kishte arritur të regjistronte emrin e markës në gusht, një vit pas themelimit të saj.
Një nga themeluesit e Meta PCs, Zack Sat ka thënë se kompania u bë pjesë e tregut në nëntor 2020 dhe nuk kishte asnjë ide apo informacion që Facebook synonte të ndryshonte emrin e saj, deri të enjten e kaluar. Tani ai dhe bashkëthemeluesi Joe Darger kanë deklaruar se nuk do ta shesin emrin e regjistruar për më pak se 20 milionë dollar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
