Presidenti rus Vladimir Putin ka zhvilluar biseda telefonike me homologun e tij iranian, Masoud Pezeshkian, dhe kryeministrin izraelit Benjamin Netanyahu për të diskutuar përshkallëzimin e situatës në Lindjen e Mesme pas sulmit izraelit kundër Iranit.
Izraeli nisi një sulm të madh ndaj Iranit gjatë natës, duke synuar objektet bërthamore dhe lokacione të ndryshme ushtarake. Sulmet vazhduan gjatë ditës, duke shkaktuar dëme të konsiderueshme materiale dhe viktima ndaj udhëheqjes së lartë ushtarake të Iranit dhe, sipas raportimeve, ndaj shkencëtarëve bërthamorë të profilit të lartë.
“Presidenti rus shprehu ngushëllimet e tij për udhëheqjen dhe popullin e Republikës Islamike të Iranit në lidhje me viktimat e shumta njerëzore, përfshirë civilë, që rezultuan nga sulmet izraelite”, tha shërbimi për shtyp i Kremlinit në një deklaratë të premten.
Rusia “dënon veprimet e Izraelit, të cilat shkelin Kartën e OKB-së dhe të drejtën ndërkombëtare”, theksoi Putin, sipas deklaratës. Në të njëjtën kohë, udhëheqësi rus shprehu gatishmërinë për të ndërmjetësuar dhe për të “vazhduar të kontribuojë në uljen e tensioneve të konfliktit midis Iranit dhe Izraelit”.
Putini nënvizoi gjithashtu rëndësinë e “kthimit në procesin e negociatave dhe zgjidhjes së të gjitha çështjeve që lidhen me programin bërthamor iranian ekskluzivisht përmes mjeteve politike dhe diplomatike”. Përshkallëzimi i vazhdueshëm “është i mbushur me pasojat më katastrofike për të gjithë rajonin”, paralajmëroi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
