NATO zyrtarizoi këtë të mërkurë ftesën e saj për Suedinë dhe Finlandën, që dy shtetet të jenë pjesë e aleancës ushtarake. Lëvizja e fundit e bllokut synon një zgjerim historik të mbrojtjes, që zvogëlon drejtpërdrejt synimet e presidentit rus Vladimir Putin ndërsa vijon lufta në Ukrainë.
NATO miratoi aplikimet e dy vendeve pasi Turqia hoqi dorë nga kundërshtitë të marten, duke hapur rrugën për zgjerimin më të rëndësishëm në dy dekada.
“Aderimi i Finlandës dhe Suedisë do t'i bëjë ato më të sigurta, NATO-n më të fortë dhe zonën euro-atlantike më të sigurt. Siguria e Finlandës dhe Suedisë ka një rëndësi të drejtpërdrejtë për Aleancën, përfshirë gjatë procesit të pranimit," thuhej në deklaratë.
Vendimi tani do të shkojë në Parlamentet e 30 vendeve anëtare për ratifikim përfundimtar. Udhëheqësit e NATO-s thanë se prisnin që procesi të ecë shpejt, duke lejuar një pranim të shpejtë të paprecedentë dhe një shfaqje uniteti kundër Putinit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
