Edmond Haxhia, porositësi dhe organizatori i atentatit mafioz ndaj Biznesmenit Ardian Nikulaj, si edhe katër bashkëpunëtorët anglezë që kanë luajtur rolin e vëzhguesit, Thomas Mithan, Steven Hunt, Harry Simpson mbahen në paraburgim në Britaninë e Madhe, ndërsa Harriet Bridgeman, 28 vjeçe u la në arrest shtëpie.
Për juristin Arbër Hoxha, i ftuar në “FactCheck”, duke parë piramidën e vrasjes së biznesmenit, mund të thuhet se kemi të bëjmë më grup të strukturuar kriminal.
Sipas Hoxhës, me kohë Prokuroria e Rrethit Gjyqësor Lezhë, duhet të kishte shpallur mos kompetencën ndaj rastit.
Për mendimin tim, jemi para kushteve për në grup të strukturuar kriminal, nuk e kuptoj se pse deri tani e ka mbajtur Prokuroria e Rrethit Gjyqësor Lezhë dhe nuk ka shpallu mos kompetencën.
Nëse do të ekstradohen të gjithë edhe ata nga Anglia, patjetër që jemi në kushtet e një grupi të strukturuar , madje mund të jetë edhe për organizatë kriminale, jo vetëm grup i strukturuar kriminal , i plotëson të gjitha elementet e domosdoshëm të figurës së veprës penale, vrasje të kryer nga grupi i strukturuar kriminal, janë më shumë se tre persona, dinamika e kryerjes së kësaj vepre penale, është në kuadër të grupit të strukturuar kriminal, megjithatë ngelet për tu parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
