Deputeti i PD-së, Tritan Shehu, kërkoi në Kuvend që të informohet opinion publik në lidhje me skandalin Mogherini, që sipas tij prek edhe qeverisjen e financat shqiptare.
“Është një cështje ku duhet të involvohet me urgjencë Parlamenti, së bashku me një informacion nga ministri i Jashtëm. Një çështje ku kryeministri shqiptar është involvuar politikisht shumë dhe Shqipëria ka derdhur edhe burime financiare për atë problem që ka shpërthyer tashmë, një skandal në Komisionin Europian. E kam fjalën për skandalin e Mogeherinit, që kërkon sqarim në Parlament sepse Shqipëria ka derdhur 17 mln euro, është bërë investim politik i madh dhe reklamë e madhe, ndërsa ka plasur një skandal. Parlamenti shqiptar me urgjencë duhet të bëjë sqarime, ministri i Jashtëm duhet të flasë. Kërkoj nga ju z.kryetar dhe deputetët që të informohemi për këtë skandal të madh që prek politikën shqiptare, qeverisjen shqiptare dhe financat shqiptare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
