Vijojnë hetimet e SPAK-ut për skemën kriminale të mashtrimit përmes Call Center-it, ku janë arrestuar 8 persona dhe janë në kërkim tre vëllezërit Prekaj. Në një raportim për Mcn Live gazetari Arsen Rusta bën me dije se aktiviteti i kompanisë “Infinite” me administrator David Prendin, rezulton që e ka shtrirë aktivitetin e tij në Shqipëri që prej prillit 2023. Pritet që në sitë të kalojnë asetet e të dyshuarve dhe të kemi hetim pasuror.
“Ka rezultuar nga verifikimet e bëra nga SPAK se aktiviteti shtrihet në Shqipëri që nga 7 prilli 2023, duke u regjistruar në qkb me seli 4ever Green Tower, siç njihet kulla pranë Kishës Ortodokse, me kapital fillestar 1,4 milionë lekë. Një kërkesë u është drejtuar dje bankave të nivelit të dytë, t’ju bllokohet në mënyrë provizore çdo llogari bankare. Vijon hetimi nëse pati një dekonspirim nga palët e përfshira në hetim. Në të dyja kullat, kompania Infinte me administrator David Prendi, rezulton se ushtronte aktivitetin me qira, por nuk përjashtohen asete që ata mund të kenë apo përdorja e emrave të tjerë për të fshehur origjinën e parave, do të kalojnë në sitën e hetimeve jo vetëm penale, por edhe pasurore”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
