Pasi Komisioni i Ekonomisë i rrëzoi dekretin për kthimin në Kuvend të ligjit për menaxhimin e Parkut Kombëtar të Butrintit, ka ardhur një tjetër reagim nga Presidneti Ilir Meta.
Në një deklaratë për mediat ai u shpreh se çështja është e madhe dhe se ka të bëjë me trashëgiminë tonë kulturore dhe identitetin kombëtar.
Sipas Metës, deputetët në seancë duhet ti lexojnë të gjitha argumentet që kanë të bëjnë me shkeljen e Kushtetutës, konventave ndërkombëtare, të cilat demonstrojnë paligjshmërinë dhe mungesën totale të transparencës.
Zhvillim i freskët nga Kuvendi, ku komisioni parlamentar ka rrëzuar dekretin e presidentit për çështjen e Butrintit, çështja kaq e madhe që ka të bëjë me trashëgiminë tonë kulturore dhe identitetin kombëtar. Na risolli edhe njëherë një sjellje arrogante në raport me konsultimin, dëgjesën ndaj ekspertëve të fushës, shoqërisë civili që u përjashtuan sot në mënyrë brutale. Tregon qartë që deputetë që kanë vepruar në këtë mënyrë janë të diktuar politikisht për të ecur drejt skenarit të rrezikimit të njërës prej pasurive më të çmuara kulturore siç është Butrinit, vetëm për arsye të errëta, korruptive, motive edhe më të thella sesa kaq, pse jo është të çkombëtarizimit. Kemi të bëjmë me një vazhdimësi sistematike të goditjes së trashëgimisë, jo vetëm në Tiranë, Durrës por edhe n Butrint dhe shumë zona të vendit tonë. Deputetët në seancë plenare ti lexojnë të gjitha argumentet që kanë të bëjnë me shkeljen e Kushtetutës, konventave ndërkombëtare, demonstrojnë paligjshmërinë dhe mungesën totale të transparencës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
