Pas përfundimit të mbledhjes së Këshillit Kombëtar të PD-së, ka folur kryetari i këtij organi Edi Paloka.
Në një prononcim për mediat Paloka bëri me dije se risi e primareve të reja në PD do të jetë pjesëmarrja e simpatizantëve, siç e përcakton statuti i selisë blu.
Me kërkesën e Këshillit Kombëtar të kaluar, u shty për sot diskutimi i rregullores së primareve pasi një pjesë e anëtareve nuk e kishin lexuar dhe parë mirë. Sot u diskutua për këtë çështje dhe ato që janë risi nga primaret e fundit janë që në votime, siç e përcakton Statuti i PD, nuk do të marrë pjesë vetëm anëtarësia e PD, por do të marrin pjesë edhe simpatizantët e PD. Përcaktohen qartazi në statut kush janë simpatizantët, si regjistrohen dhe modalitetet e tjera. Statuti përcakton që simpatizantët kanë të drejtën e votimit në primare.
Paloka gjithashtu bëri me dije se:
Çështja tjetër që u diskutua ishte ajo e kandidimit të kryetarëve të degëve dhe pozicionit që duhet të mbajnë kur kandidojnë në primare. Në fund u miratua propozimi sipas të cilit kryetarët e degëve që do kandidojnë në primare, gjatë kohës së kandidimit funksionet e tyre do t’i kryejë një nga nënkryetarët e partisë në degë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
