Gazetari i sportit në MCN TV Edi Hajdini komentoi në MNC Live zhvillimet e fundit në FSHF. Hajdini u shpreh se sipas gjasave asambleja për zgjedhjen e kreut të FSHF-së nuk do të zhvillohet. Ai theksoi se në Shqipëri mungojnë gjykatat sportive, duke shtuar se nëse në relacionin e UEFA-s thuhet se ka ndërhyrje nga palë të treta, kombëtarja dhe klubet shqiptare rrezikojnë penalitete.
Gjykata ka pezulluar të gjitha procedurat për Asamblenë e datës 2 mars, ndërkohë Federata nuk merr parasysh vendimin dhe vazhdon procedurat për zgjedhjet. Një luftë që nuk ka ndërmend të ndalet, pavarësisht se në Shqipëri ishte edhe president i UEFA-s. Është përmendur fjala burg, në rast shkeljesh të vendimit të gjykatës, zyrtarët e federatës rrezikojnë penalitet civil. Në vende të tjera këto çështje i zgjidhin gjykatat sportive. Skenari më i mundshëm është që asambleja të mos ketë shanse të zhvillohet. Në momentet që këtu nuk kemi gjykatë sportive dhe çështjet çohen në Lozanë. Kjo pjesa e gjykatave nuk është shumë domethënëse se mund të zgjidhë gjë, thjesht do ta acarojë situatën. Nëse në relacion do thuhet që ka ndërhyrje nga palët e treta, gjykata, qeveri, quhet ndërhyrje në botën e futbollit dhe Shqipëria rrezikon të mos luajë për 10 vite në kompeticionet e larta. Ajo që stonon në këtë moment është që asnjëra prej palëve nuk tërhiqet dhe nuk lëshon”, tha Hajdini.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
