Pas fitores së Rexhep Tajip Erdogan në zgjedhjet presidenciale të vendit të tij, Athina po vazhdon strategjinë e saj për të rihapur gradualisht dhe në mënyrë të qëndrueshme rrugët e shumta të komunikimit midis Greqisë dhe Turqisë.
Kryeministri i përkohshëm i Greqisë, Ioannis Sarmas, uroi Erdoganin me një letër, duke i uruar popullit turk paqe dhe prosperitet.
Ndërkohë, kreu i Demokracisë së Re, Kyriakos Mitsotakis i tha Mega TV të hënën se nëse ai fiton më 25 qershor, do të përpiqet të ketë një takim me Erdoganit gjatë Samitit të NATO-s në Vilnius, Lituani, më 11 dhe 12 korrik.
Pas 25 qershor, pritet të rifillojë procesi i diskutimeve për masat e ndërtimit të besimit (CBM) në nivel të ministrive të Mbrojtjes Kombëtare, me kontakte eksploruese dhe dialog politik në nivel të ministrive të Jashtme.
Kjo do të pasohet nga e ashtuquajtura "agjendë pozitive", ku pritet të diskutohet veçanërisht mbi energjinë. Mundësitë janë që të vendosen baza bashkëpunimi në sektorin e energjisë, veçanërisht në aspektin më të drejtpërdrejtë, përkatësisht në transportin e gazit natyror të lëngshëm si në Greqi ashtu edhe në Turqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
