Koreja e Veriut ka zbuluar nëndetësen e saj me energji bërthamore në ndërtim e sipër, e cila mund të përbëjë një kërcënim serioz për sigurinë e SHBA-së dhe Koresë së Jugut.
Media shtetërore publikoi të shtunën foto që tregonin atë që e quajti “një nëndetëse me raketa strategjike të drejtuara me energji bërthamore”, ndërsa raportoi vizitat e liderit Kim Jong Un në kantieret kryesore detare ku janë ndërtuar anije luftarake.
Agjencia Qendrore Koreane e Lajmeve, ose KCNA, nuk dha detaje mbi nëndetësen, por tha se Kim u informua për ndërtimin e saj.
Nëndetësja, me një peshë prej 6,000-7,000 tonësh dhe e armatosur me raketa bërthamore, do të jetë në gjendje të lëshojë raketa direkt nga poshtë ujit, duke e bërë atë pothuajse të padukshme për kundërshtarët.
Udhëheqësi i Koresë së Veriut Kim Jong Un, poshtë djathtas, viziton një kantier detar që ndërton anije luftarake në një vend të pazbuluar, në një foto të siguruar nga qeveria e Koresë së Veriut më 8 mars 2025.
Një nëndetëse me energji bërthamore ishte ndër një listë të gjatë dëshirash të armëve të sofistikuara që Kim u zotua të prezantonte gjatë një konference të madhe politike në 2021 për të përballuar atë që ai i quajti kërcënime ushtarake të përshkallëzuara të udhëhequra nga SHBA.
Armët e tjera ishin raketa balistike ndërkontinentale me lëndë djegëse të ngurtë, armë hipersonike, satelitë spiun dhe raketa me shumë kokë. Koreja e Veriut që atëherë ka kryer një sërë aktivitetesh testimi për t’i marrë ato.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
