Pastori Akil Pano foli në emisionin “Bilardo” edhe për pasionet e tij të panjohura që lidhen me boksin, peshëngritjen dhe muzikën. Pano tha se në boks mësoi artin e vetëpërmbajtjes dhe të qenit i arsyeshëm.
I madhi Ahmet Golemi... Duke qenë se pata fatin të isha nxënës i tij dhe sportist i tij, ai na mësonte se boksi ka të bëjë me vetëpërmbajtjen, unë këtë nuk e kuptoja. Ka të bëjë me të qenit i ftohtë në ring. I gjithë arti i të ndeshurit në ring lidhet me vetëpërmbajtjen, me të qenurit i arsyeshëm. Të mirëmenaxhosh forcat e mbetura. Boksierët kampionë që t’i shikon nuk janë të dhunshëm. Janë në gjendje të luajnë. ‘Rocky 1’ ka qenë heroi i ditëve tona. Por s’është boksi siç e shikon te filmi i Rocky-t!”.
Ndër të tjera ai rrëfeu takimin rastësor me boksierin e madh Holyfield në SHBA.
E di që e takova Holyfield në SHBA. Ishte mëngjesi i lutjes. Fiton në boks dhe në çdo sport tjetër ai që është më i vetpërmbajtur dhe përfiton nga gabimet e tjetrit. I kushtoi rrugaçëria Tajsonit. Në fund të ditës idealizojmë sportistët dhe heronjtë si njerëz të përsosur. Edhe Tajsoni ka pasur ndeshje që i ka humbur ndeshje në mënyrë dramatike dhe i ka kushtuar një gabim”.
Pano tha se në rininë e tij të hershme është marrë edhe me firzamonik dhe piano, kur ka qenë në shtëpi pioneri te ish-Kisha Katolike që ndodhej dikur te gjimnazi “Partizani”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
