Kur kanë kaluar pothuajse 5 vjet nga dita kur anija italiane “Costa Concordia” u përmbys, duke u marrë jetën 32 personave, askush nuk e di çfarë u bë më pas me të.
Anija e cila kishte në bordin e saj 4.252 persona pjesa më e madhe turist, pati një fund tragjik në janar 2012 kur ajo u përplas me një shkëmb nënujor pranë ishullit Xhilios, në Toskana. Tashmë, gjysmë dekade pas tragjedisë, anija e përmasave të mëdha po çmontohet në portin e Xhenovas.
Ajo peshon 144,500 ton dhe nuk ka më hijeshinë e dikurshme gjatë lundrimeve. Brenda pak kohësh, gjithçka do të jetë skrap. Kapiteni i anijes, Françesko Sketino, është dënuar me 16 vjet burg për manovrën e papërshtatshme që çoi në përplasjen me shkëmbin dhe përmbysjen e anijes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
