Donald Tusk ka theksuar se fuqitë e jashtme kanë ndërhyrë për votën e Brexit dhe i bëri thirrje vendeve anëtare të BE-së që të bëjnë më shumë për të mbrojtur zgjedhjet e ardhshme evropiane.
Duke folur në një konferencë shtypi në Bruksel me kryeministrin armen Nikol Pashinyan, presidenti i Këshillit Evropian tha se ishte dakord me presidentin francez, Emmanuel Macron, i cili me anë të një shkrimi në Guardian dhe gazeta të tjera, duke i bërë thirrje vendeve evropiane të jenë të vëmendshëm ndikimet malinje.
"Ekzistojnë forca të jashtme anti-evropiane, të cilat kërkojnë - haptazi ose fshehurazi - të ndikojnë në zgjedhjet demokratike të evropianëve, siç ishte rasti me Brexit dhe një numër fushatash zgjedhore në të gjithë Evropën. Dhe mund të jetë përsëri rasti me zgjedhjet evropiane në maj", tha Tusk, ish-kryeministër i Polonisë dhe kritik i Vladimir Putinit.
Ndërhyrja e Tusk përsëriti frikën që Rusia kërkoi të nxiste ndjenjat anti-BE gjatë fushatës së referendumit të vitit 2016 në Britani të Madhe.
Tusk u kërkoi atyre që mbështetnin BE-në të jenë vigjilentë për shenja të ndërhyrjes. "Mos lejoni partitë politike që financohen nga forca të jashtme, armiqësore në Evropë, për të vendosur mbi prioritetet kyçe për BE dhe udhëheqjen e re të institucioneve evropiane," tha ai.
"Ne nuk mund të presim për rilindjen e Evropës - rilindja e Evropës duhet të fillojë tani", deklaroi Tusk.
Komisioni Europian po i shtyn kompanitë e mediave sociale të bëjnë më shumë për t'u marrë me dezinformimin dhe ka kritikuar së fundmi Facebook, Google dhe Twitter për dështimin e përmbushjes së detyrimeve të saj sipas një kodi të ri vullnetar të sjelljes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
