Askush nuk e do Skip Bayless-in më shumë se … Skip Bayless.
Duket si lojë fjalësh por është ironia e përdoruesve të rrjetit pas një incidenti që i ka ndodhur prezantuesit të njohur të “Fox Sport” në faqen e tij në “Facebook”.
Pasi ka postuar në profilin e tij një video live ku komentonte një ndeshje, një komentues poshtë i ka shkruar: “Skip ti je legjendë. E adhuroj shfaqjen tënde në FS1 (Fox Sports 1)!!!!".
Deri këtu çdo gjë duket në rregull, pot ë mos ishte për emrin e komentuesit, i cili është i njëjti që ka bërë postimin. Pra Bayless i ka thurur lavde vetes, një praktikë që duket se e bën shpeshm, duke përdorur profile flase. Thjesht kësaj radhe ka harruar të ndërrojë profilet.
Komenti është fshirë menjëherë, por pasi një analist i futbollit në Cox Media kishte ruajtur një screenshot.
