Greqia duket se e konsideron të ezauruar çështjen e marrëveshjes detare me Shqipërinë, por jo atë me zonën ekskluzive ekonomike, të cilën vetë Partia Socialiste në vitin 2010 e pati përfshirë në kërksën e saj drejtuar Gjykatës Kushtetuese. Pas takimit të fundit në Athinë mes kryeministrit grek Kiriakos Mitsotakis dhe kryeministrit Edi Rama, qeveria shqiptare vendosi ndryshimin e grupit negociator posaçërisht për çështjen detare mes Shqipërisë dhe Greqisë.
Kryetari i ri i Delegacionit të Parlamentit Europian për Komitetin e Stabilizim- Associmit, Manolis Kefalogiannis, ka thënë se kjo është një çështje bilaterale që duhet të zgjidhet mes dy vendeve.
Sipas Kefalogiannis, në atë takim, Rama ka rënë dakord edhe për të drejtat e pakicave dhe respektimin e pronave.
"Për Shqipërinë, mbetet i rëndësishëm respektimi i plotë i të drejtave të sovranitetit të vendeve fqinje, i të drejtave të pakicave – si i minoritetit kombëtar grek, i së drejtës së vetëvendosjes dhe zgjedhjes së lirë të identitetit fetar dhe respektimit të pronave personale për të cilat kryeministri shqiptar, Edi Rama, u pajtua gjatë vizitës së tij të fundit në Athinë dhe takimit të tij zyrtar me kryeministrin grek, Kyriakos Mitsotakis", deklaroi zyrtari grek.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
