SHBA nuk është në të vërtetë një demokraci dhe as nuk kërkon të promovojë demokracinë në marrëdhëniet e saj me kombet e tjera, në kundërshtim me pretendimet e Uashingtonit, ka thënë zyrtari i lartë rus i Sigurisë, Nikolay Patrushev. Ai i bëri këto komente teksa komentoi 'Samitin e ardhshëm për Demokraci' të organizuar nga qeveria amerikane.
Patrushev, i cili është sekretar i Këshillit të Sigurimit rus, e përshkroi ekonominë amerikane si "të varur nga korrupsioni dhe lidhjet lobuese që shkojnë në Shtëpinë e Bardhë dhe Kapitol Hill".
Interesat e korporatave kanë rrëmbyer levat e pushtetit politik në SHBA dhe përdorin ndikimin ndërkombëtar të vendit për të ndjekur axhendën e tyre, tha ai në një intervistë për gazetën Rossiyskaya Gazeta, që do të publikohet e plotë sot.
Uashingtoni ndjek të njëjtën qasje në arenën ndërkombëtare, ku pretendon të jetë kampion i demokracisë, por shpërfill sovranitetin e kombeve të tjera, tha Patrushev. Ai beson se kjo “hipokrizi” do të shfaqet në Samitin për Demokraci, i cili do të nisë këtë javë në Uashington.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
