Mediat greke /Marrëveshja e detit me Shqipërinë për zonat ekonomike është mbyllur

Një marrëveshje për të ripërcaktuar zonën ekskluzive ekonomi (ZEZ) në Shqipëri duket se ka përfunduar me qeverinë greke me homologët e saj në Tiranë, një zhvillim që lidhet drejtpërdrejt me interesin e drejtëpërdrejtë për kërkimin e hidrokarbureve në zonat 1 dhe 2 në detin Jon.

Siç dihet, pala shqiptare në të kaluarën ka reaguar seriozisht ndaj mundësisë së eksplorimit të hidrokarbureve në Jon, duke konsideruar se parcelat 1 dhe 2 janë gjithashtu zonat kontradiktore.

Sipas "energypress.gr", pala greke ka pranuar se marrëveshja për zonat ekonomike ekskluzive ka qenë pjesërisht gabim nga ana metodologjike, një pikëpamje e mbështetur deri tani nga Shqipëria. Athina pranon që gjiret e detit duhet të konsiderohen “të mbyllura” me qëllim që të zbatohen dispozitat përkatëse të Konventës Detare.

"Pala shqiptare ka rënë dakord përfundimisht se nuk ka asnjë pretendim për ishujt e vegjël Othon e Erikusas, çka për Greqinë ka shumë rëndësi në lidhje me marrëdhëniet me Turqinë, me të cilën ka përplasje për ishullin Kastelorizo”, shkruan media greke.

Nuk ishte e lehtë për të negociuar, sepse përpjekja për të gjetur dhe shfrytëzuar hidrokarburet në Greqinë Perëndimore, qoftë në detin Jon ose në tokë si Janina, Arta / Preveza, shkruan "energypress.gr", dukej një "flamurë i kuq".

Zyrtarë të qeverisë greke u shprehen optimist se problemet e së kaluarës, nga kundërshtimet e shqipërisë ndaj aktivitetit grek për kërkimin e hidrokarbureve në rajon, nuk do të përsëriten më pas firmosjes së marrëveshjes në fjalë.

Kjo marrëveshje i hap rrugën shfrytëzimit ekonomik, sidomos kërkimeve për gaz natyror, ku Greqia ka avancuar në dhënien e leje për shfrytëzim tek disa kompani të fuqishme ndërkombëtare.

Sipas medias greke, tani pritet që në zonat 1 dhe 2 të nisin kërkimet pasi qeveria helene ka firmosur kontratat me disa kompani për hulimtimin dhe nisjen e punës për kërkime në det.