Ka përfunduar pas më shumë se një ore protesta për vdekjen e 32-vjeçarit Lear Kurti, i cili ndërroi jetë në ambientet e komisariatit nr. 3 në rrethana të dyshimta. Fillimisht rreth orës 18:00 protestuesit u grumbulluan para Ministrisë së Brendshme ku ndezën qirinj për shpirtin e të ndjerit, dhe mandej marshimi vijoi në drejtim të Kryeministrisë.
Protesta u mbajt nën sloganin “Drejtësi për Learin”, ku kërkesa kryesore e protestuesve ishte dorëheqja e ministrit Bledi Çuçi, si dhe mbajtja e përgjegjësisë penale nga policët që bënë ndalimin e të ndjerit.
"Jepe dorëheqjen! Ju jeni vrasës! Kriminelë! Polici e krimit. Qeveri e krimit! Ministria e vrasjes! Poshtë Edi Rama! Poshtë kokaina! ", ishin disa nga thirrjet e protestuesve, të cilët hodhën në formë simbolike domate dhe miell në drejtim të uniformave blu. Protestuesit paralajmëruan vazhdimin e protestës në rast se nuk vendoset drejtësi për ngjarjen.
Kujtojmë që protesta e sotme qytetare është mbështetur edhe nga Partia Demokratike, ku disa eksponentë demokratë ishin të pranishëm në marshim. Kjo është protesta e dytë qytetarëve, pas asaj të zhvilluar të premten.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
