Analisti Aleksandër Çipa tha në studion e MCN Live se Gazment Bardhi duhet të sqarojë nëse amendimet për paqen fiskale i ka bërë individualisht, apo në cilësinë e kryetarit të grupit parlamentar të PD-së.
Po ashtu Çipa theksoi se duhet bërë transparencë dhe të tregohet kush kanë qenë personat që kanë lobuar për këto amendime.
Bardhi duhet të sqarojë publikisht nëse janë amendime të propozuara individualisht, apo në cilësinë e përfaqësimit politik që ai mban si kryetar i grupit.
E dyta, një deputet që ka statusin e kryesuesit të grupit parlamentar më të rëndësishëm të opozitës e ka detyrimin të kalojë përmes një transparence publike. Cila është transparenca publike?
Në pikëpamjen teknike, si është lobuar? Kush kanë qenë ndikuesit për sjelljen e këtij drafti propozimesh që ai paraqet në Kuvend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
