Kryeministri Edi Rama me anë të një postimi në rrjetet sociale ka hedhur akuza ndaj kreut të PD-së dhe ndaj Komisioneres së BE-së për Inovacionin, Arsimin dhe Rininë, Mariya Gabriela, ku kjo e fundit pati një tryezë diskutimi me Bashën.
Rama ka kërkuar që Brukseli duhet të porosisë komisionerët që të mos harxhojnë kohën e punës për të bërë video elektorale me kreun e PD-së.
Sipas Ramës, Komisioni Europian nuk e ka zakon të fusë hundët në fushatat elektorale dhe sipas tij pret që ta mësoj zyrtarisht e publikisht nga Brukseli, nëse e ka gabim.
“Dikush në Bruksel duhet t’u thotë komisionerëve që harxhojnë kohën e punës së paguar nga taksat e popujve të Europës, për të bërë videomuhabete elektorale me Lulëzim Bashën, se kjo quhet ndërhyrje në fushatën e brendshme elektorale të një vendi kandidat për në BE!
Në dijeninë time Komisioni Europian nuk e ka zakon të fusë hundët në fushatat elektorale dhe unë pres ta mësoj zyrtarisht e publikisht nga Brukseli, nëse e kam unë gabim e ndoshta komisionerët kanë vërtetë të drejtë të bëhen palë kur popujt e Europës zgjedhin qeveritë e tyre!”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
