Vijon operacioni kombëtar i koduar “Tempulli” në luftën kundër kultivimit dhe shpërndarjes së drogës, ku gjatë orëve të fundit raportohet për mbi 200 të arrestuar.
Nga të dhënat e deritanishme MCN TV mëson se në rrethin e Vlorës janë prangosur 40 persona, në Durrës 66 dhe në Elbasan 30.
Ndërkohë në Tiranë janë vënë në pranga rreth 100 persona, teksa gjatë operacionit është sekuestruar lëndë narkotike kokainë, heroinë dhe kanabis sativa.
Operacioni “Tempulli” ka nisur prej disa kohësh, ku fokusi është goditja e grupeve kriminale të cilat merren me trafik droge.
Detajet e operacionit të orëve të fundit, nuk bëhen ende me dije, ndërkohë që policia pritet të dalë me komunikim zyrtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
