Ish-Presidenti amerikan Donald Trump pretendon se mund t’i japë fund luftës Rusi-Ukrainë brenda 24 orëve.
Një deklaratë e tillë u bë në një intervistë me Fox News të hënën, por Trump refuzoi të shtjellojë mënyrën se si.
Trump tha se nëse lufta nuk mbaron deri në vitin e ardhshëm dhe nëse ai rizgjedhet President, mund t’i japë fund luftës me një “negociim të lehtë” midis Presidentit rus Vladimir Putin dhe Presidentit ukrainas Volodymyr Zelensky.
Por nuk dua t’ju them se çfarë është, sepse atëherë nuk mund ta përdor në negociatë.
Trump beson se lufta nuk do të përfundojë deri në fund të vitit të ardhshëm.
Ka shumë mundësi që ne të jemi në Luftën e Tretë Botërore me këta idiotë që po bëjnë atë që po bëjnë, ku mund të përfundojmë në një botë bërthamore.
Luftë e cila do ta bëjë Luftën e Parë Botërore dhe Luftën e Dytë Botërore të duken si ëmbëlsira.
Me shumë mundësi që ne do të jemi në Luftën e Tretë Botërore me këta idiotë që po bëjnë atë që po bëjnë.
Trump pohoi gjithashtu se nëse do të ishte zgjedhur në Shtëpinë e Bardhë në vitin 2020, lufta nuk do të kishte ndodhur kurrë, duke përsëritur një pretendim që bëri disa javë më parë kur tha se do të kishte lejuar Rusinë të aneksonte pjesë të Ukrainës për të parandaluar pushtimin.
Ukraina tha se nuk mund të shohë një mënyrë për të negociuar me Rusinë pasi Gjykata Ndërkombëtare Penale lëshoi një urdhër arresti për Vladimir Putinin për krime lufte në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
